A Biblioteca Municipal do Concello de Sober vén de recibir un dos Premios de Animación á Lectura María Moliner 2023 para municipios menores de 50.000 habitantes que concede o Ministerio de Cultura e Deporte. O recoñecemento non é nada extraordinario para esta biblioteca pois está acadando este galardón de xeito consecutivo desde o ano 2018.

A distinción foille outorgada polo programa denominado ‘Sober coa lectura’ que comprende actividades para nenos e adultos. O premio conleva unha subvención en metálico de preto de 3.000 euros para a compra de libros e publicacións periódicas.

O recoñecemento inclúe as actividades que se fan nas Merendas con Contos, no Club de lectura e no Faladoiro dos luns.