No Museo Pazo de Tor cóntase ata finais de setembro coa exposición Historia do Futuro, un proxecto de Pamen Pereira e Che Marchesi que dá luz aos recordos, e ao que se agocha entre as fendas dos muros. A intuición e sensibilidade destes dous artistas dialogan na creación das obras desde o rigor e a complicidade na interpretación da natureza. Coa súa poética realizan intervencións cos recursos tradicionais e as novas tecnoloxías permitíndonos ver máis aló da realidade representada e proporcionando novos códigos.
Historia de Futuro é unha intervención artística no interior do Museo Pazo de Tor, e cóntase tamén con intervención no exterior, froito das residencias Land Art de creación comunitaria “Da terra que dá novas relación entre arte e vida”. Neste casofrecen as súas miradas, que poñen o principal foco nas persoas e no territorio, Lois Cid, Rosa Neutro, Alberto Oderez e Verónica Vicente. Por exemplo, Rosa coa súa filla Violeta, propón Dogma Natura, rosa e violeta, que presenta ao público, a conciliación, os coidados, a infancia e a diversidade. Estes artistas expoñe en Toraidentidade co paso do tempo, a relación coa paisaxe emocional máis persoal e o vínculo co territorio dos habitantes da zona.
A área de cultura da Deputación de Lugo a través da RMPL organiza estas exposicións gratuítas e abertas a todas as persoas interesadas. Máis información sobre a actividade nos museos da RMPL na web comunidadermpl.gal.
Residencias artísticas Tor / RMPL
