A RMPL ofrece habitualmente visitas guiadas gratuítas aos 4 museos que xestiona na provincia nos seus horarios de apertura e a través do correo concertacionsrmp@gmail.com. O Museo Provincial de Lugo abre as súas portas de martes a sábado en horario de 10:00 a 13:30 e de 16:00 a 20:30. Os domingos e festivos, o horario é contínuo de 10:00 a 16:00. O Museo Provincial do Mar abre de martes a sábado en horario de 11:00 a 14:00 e de 17:00 a 20:00; domingos e festivos de 10:00 a 15:00. No Museo Fortaleza de San Paio de Narla ábrese de martes a domingo de 10:00 a 20:00. No Museo Pazo de Tor as visitas son sempre guiadas e previa cita, de martes a domingo ás 11:00, 12:30, 16:30 e 18:00. O aforo é limitado para garantir o coidado das pezas.
Para este mes de agosto, a área de cultura da Deputación a través da RMPL pon en marcha o programa de visitas Sabías que? Mirar…Sentir na RMPL, que se desenvolverá de modo presencial no Museo Provincial de Lugo e on line no resto dos museos da Rede. A proposta achéganos aos museos cos 5 sentidos para miralos poder sentir o que é ser lucense. Pódese participar sen necesidade de inscrición previa. Este tipo de visitas curtas, plantexadas para 20 minutos, permiten coñecer en pouco tempo a provincia de Lugo nos museos e historias ocultas detrás das coleccións.
As visitas presencias ao Museo Provincial de Lugo terán a seguinte axenda de martes a xoves:
- 8, 9, 10 e 11 ás 17:00
- 15, 16, 17 e 18 ás 12:00
- 22, 23, 24 e 25 ás 17:00
- 29, 30 e 31 ás 12:00
Nesas mesmas xornadas, en horario de 12:30 realizaranse visitas on line aos outros museos da Rede (Museo Provincial do Mar en San Cibrao; Museo Fortazaleza de San Paio de Narla e Friol e o Museo Pazo de Tor en Monforte de Lemos) a través do Facebook da RMPL.
O obxectivo é que as persoas se acheguen aos museos con tódolos sentidos, non pasear véndoo, se non miralo con novos ollos para poder sentilo. “As persoas que coñecen os museos, achegaranse a eles con outros ollos e as persoas de fóra levaranse pedaciños da alma das e dos lucenses, descubrindo de verdade a nosa provincia e noso patrimonio”, asegura a xerente da RMPL, Encarna Lago.
