InicioCulturaExposición do pintor Gregorio Huerta del Río, o “pintor das uvas”, no...

Exposición do pintor Gregorio Huerta del Río, o “pintor das uvas”, no centro do viño da Ribeira Sacra

A mostra, que conmemora os 100 anos do nacemento do artista, está composta por 20 cadros cuxos motivos principais son as uvas e as vides. O Concello de Monforte colaborou no patrocinio desta exposición, organizada por Abrentis e o Centro do Viño.

Publicado o

POR
redaccion
- Advertisement -

O Alcalde, José Tomé Roca, acompañado pola Primeira Tenente de Alcalde, Gloria Prada, o  Concelleiro de Servizos, José Luís Losada, inaugurou no Centro do Viño a exposición do pintor Gregorio Huerta del Río, que  permanecerá aberta para todos os públicos ata o vindeiro luns, 8 de xaneiro, de 2024.

O Alcalde destacou a importancia de acoller esta exposición en Monforte xa que o “pintor aborda en moitos dos seus cadros a temática das uvas, polo que conecta directamente coa importancia que os sector do viño ten na nosa comarca e na Ribeira Sacra, que está a conseguir cada vez poñer no mercado viños de máis calidade”.

Gregorio Huerta del Río, 1923-2014, (Avenales, Asturias / Soria) foi un pintor que estivo afincado en Madrid. Ten tras de si unha longa traxectoria vital vinculada a algunhas das figuras máis destacadas do século XX, como Salvador Dalí, ó que acompañou en numerosas exposicións internacionais, ou Francisco Franco, ao que retratou nunha das súas obras máis coñecidas.

Destacan a calidade dos bodegóns que pintou; por iso é coñecido como «pintor das uvas», un tema recurrente na maioría das súas obras.

Huerta del Río abandonou a súa carreira militar para dedicarse de maneira total á pintura, sendo discípulo de Dalí en París, onde tamén coñeceu a Gala, da que, asevera, “fomos amantes, Dalí sabíao e consentíao, Os tres fixemos unha viaxe a través de EE UU”.

ÚLTIMAS

IGV demanda medidas “ante a crise de produtores de uva na Ribeira Sacra”

Interior Galego Vivo explica que "hai unha crise de excedentes de uva na DO...

O PP de Monforte urxe ao arranxo inmediato de varias rúas

Unha das actuacións ás que se comprometeu o goberno local é o arranxo do...

PP e IGV lamentan que a mellora da N-540 non remate ata 2027

O Partido Popular considera insuficiente o anuncio da adxudicación das obras de rehabilitación do...

5 viaxes ao ano e comidas de 400 persoas, a Asoc. de Pensionista e Xubilados de Pantón segue un plan que funciona

A Asociación de Pensionistas e Xubilados de Pantón fundouse no 2002. Na actualidade conta...