O Catálogo Xeral de RGF (1961-2022) é froito dun gran traballo de investigación previo e que conta coa catalogación de Javier Mazorra e textos de Antonio Garrido, Pedro Taboada, Julio Perez Manzanares, entre outros.

É de destacar o pouco habitual que é atopar catálogos destas características, moi poucos/as artistas contemporáneos/as contan cun catálogo xeral realizado mentres están en activo. Os tres tomos contan con edición dixital.

Actualmente está en proceso o IV tomo do catálogo que de momento soamente terá edición dixital. O catálogo fíxose coa colaboración da Rede Museística Provincial de Lugo, o Museo de Belas Artes da Coruña e a galería Leandro Navarro de Madrid.

A fotografía de Adra Pallón nos catro museos da RMPL

Os catro museos da Rede Museística Provincial – Museo Provincial de Lugo, Museo do Mar de San Cibrao, Pazo de Tor e Museo Fortaleza de San Paio de Narla– amosan ata o vindeiro 1 de marzo o traballo fotográfico documental de Adra Pallón.

Os incendios forestais, a loita obreira fronte á desindustrialización, o éxodo silencioso do rural e a realidade da clase traballadora son as temáticas que protagonizan o percorrido fotográfico que propón o premiado fotógrafo lucense baixo o título “Intrahistorias. Luz entre as cinzas”.