HomeCulturaRonsel de Futuro: Historias Soterradas proxéctase esta semana en Monforte e Bóveda

Ronsel de Futuro: Historias Soterradas proxéctase esta semana en Monforte e Bóveda

A webserie da Rede Museística Provincial de Lugo, realizada por Señor López Producións coa colaboración da Vicepresidencia da Deputación, estase proxectando nos diferentes concellos da provincia, despois da presentación do proxecto nos Cines Númax, o Culturgal e en Bos Aires, da man da Universidade Nacional Tres de Febrero.

Publicado o

POR
Redacción
- Advertisement -

A webserie, Ronsel de Futuro: Historias Soterradas, trata de achegar, através do cine, toda a inmensidade dos catro museos que forman a Rede Museística Provincial de Lugo, pertencentes á Deputación de Lugo.

O obxectivo fundamental do proxecto é amosar os contidos materiais e emocionais dos Museos a través dunha historia de ficción, así como documentar a historia e patrimonio da provincia.

A viaxe a través dos museos guíaa Braulio que acaba de saír do cárcere logo de cumprir unha condena por facer grafites de dinosauro no patrimonio. Para poder saír de Bonxe acepta un titor, Alexandre, que cunha metodoloxía moi peculiar, faralle ver a necesidade de realizar esta webserie documental sobre a Rede Museística como parte da súa reinserción na sociedade. Co paso dos capítulos todo encaixará na cabeza de Braulio.

O Señor López, da man de Brian Rodríguez e Rubén Pérez, levan a cabo este proxecto no que participa a xerente da RMPL, Encarna Lago, artistas como Mónica Alonso e persoas representativas como Pilar Yáñez ou Mónica Álvarez, contando coa colaboración do Club Senior do Museo do Mar, o Grupo de Teatro Antas de Ulla, Espazo Lupa así como o Colexio Público de Antas.

A presentación da webserie estase facendo formato espectáculo ao longo das diferentes comarcas da provincia. A Monforte chega o mércores, 27 de decembro. Presentarase na Casa da Cultura de Monforte ás 20:00 horas e o 28 de decembro proxectarase no Centro Sociocultural do Concello de Bóveda ás 11:30 horas. Estas citas están abertas ás persoas interesadas con entrada libre e gratuíta, ademais a web serie pode verse a través da canle de youtube da RMPL.

ÚLTIMAS

‘Aquelarre das Meigas’, un evento que se consolida na programación do ‘Estase Cocendo’

O 'Estase Cocendo', as XVII Xornadas do Cocido de Entroido da Ribeira Sacra, encamiñan...

O paro diminúe en marzo en todas as comarcas do sur de Lugo, agás na de Quiroga

Segundo CCOO, os datos do Paro en Lugo Centro Sur son de 2.731 persoas...

A AV de Vilaesteva no Saviñao, alerta da construción dunha central de biogás

A asociación asegura ser coñecedora desta situación por casualidade e trasladoulle as súas preocupacións...

IGV diríxese ao Ministro de Transportes denunciando o estado das estradas de titularidade estatal no interior galego

Interior Galego Vivo asegura que o estado actual da N-540 entre Lugo e Ourense...