O prazo para inscribirse na proba acceso ao 1º curso de ensinanzas elementais (proba de aptitude musical que non require coñecementos musicais previos) será do 3 ó 24 de xuño. A proba de aptitude musical terá lugar o día 25 de xuño ás 12:00h.
O prazo para inscribirse na proba de acceso ao 1º curso de grao profesional (pase de grao) será do día 20 de maio ó 10 de xuño. Esta proba de pase de grao terá lugar o día 11 de xuño ás 16:00h.
O prazo para inscribirse na proba de acceso a outros curso das ensinanzas elementais ou profesionais será do 3 ó 17 de xuño. Esta proba terá lugar o día 19 de xuño ás 16:00h.
Nestes tres casos, a inscrición será gratuíta e poderase facer presencialmente na secretaría do centro ou accedendo á “Solicitude proba de acceso” na sede electrónica da páxina web do Concello de Monforte. Para elo, haberá que descargar o impreso de solicitude de inscrición e de autoliquidación, e envialos debidamente cubertos e no prazo establecido ó correo do centro conservatorio@concellodemonforte.com.
Especialidades ofertadas curso 2024/2025
- Piano
- Guitarra
- Trompa
- Clarinete
- Violín
- Trompeta
- Saxofón
- Percusión
- Trombón de varas
Matrícula
O prazo de renovación de matrícula para o vindeiro curso 2024/25, será do 7 ó 17 de xuño.
O prazo de matrícula para o novo alumnado que supere o acceso ó vindeiro curso 2024/25, será do 12 ó 28 de xuño.
Para mais información, os interesados e interesadas poden contactar co Conservatorio Municipal a través do teléfono 982 403 893, no Correo electrónico: conservatorio@concellodemonforte.com, e o horario de atención presencial na secretaría do centro será de 10:00 a 14:00 horas.
