Este venres, 21 de xuño, coincidindo co final de curso escolar, o Concello de Pantón celebraba o remate do Servizo de Conciliación. Esta actividade que se desenvolve en horario de 8:00 a 9:45 durante a época lectiva do alumnado, atendeu a 17 rapaces/zas.

Con este servizo desde o Concello de Pantón búscase axudar á conciliación das familias con nenos/as en idade escolar. Coa mesma intención organízase na tempada estival o Campamento de Verán, que dá servizo a nenos e nenas durante o período vacacional.

Por outra banda case medio cento de cativos/as participarán do Campamento de Verán de Pantón. Proposta que se desenvolve por quincenas con variadas actividades de lecer para a infancia como explica a concelleira de cultura, Cristina Domínguez, “Contaremos con obradoiros, disfraces, xogos ao aire libre, excursións e saídas polo concello, cine, búsquedas do tesouro, xogos de agua, actividades deportivas,…todo tendo a selva como temática de fondo, o que convertirá aos nosos nenos e nenas en aventureiros/as que aprenderán xogando e divertiranse coñecendo máis do seu municipio”.

Servizo Conciliación Pantón / Concello de Pantón