Os Museos Xeolóxico e Etnográfico de Quiroga amplían o seu horario de apertura durante os meses de xullo e agosto. A participación do Concello de Quiroga no programa servizo de voluntariado xuvenil da Xunta de Galicia, permitirá abrir os museos de Quiroga nos seguintes horarios:
- Museos Xeolóxico e Etnográfico: de luns a venres de 10-14 h.
- Sábados, domingos e festivos: Museo xeolóxico: de 11-12 e Museo etnográfico: de 12-13 h.
Ademais, calquera día e a calquera hora, organízanse visitas guiadas para grupos de 10 ou máis persoas, en visitas concertadas, previa cita no teléfono 982435125 ou no enderezo electrónico cultura.quiroga.quiroga@eidolocal.es.
O día 2 de agosto, dentro do programa de dinamización turística do Concello de Quiroga contarase coa actividade “Descubrir Quiroga”, que conta coa financiación da Deputación Provincial de Lugo. Haberá unha xornada especial: coñece os museos de Quiroga. As rochas que pisamos e os seus sabores, con degustación de castañas, marmeladas e mel, da empresa local Caurelor. Actividade de balde e obrigatoria inscrición na casa da cultura ou no enderezo electrónico cultura.quiroga.quiroga@eidolocal.es.
