A feira permitirá ollar e mercar pezas representativas de tradicións oleiras de Niñodaguia e Tiroia (Ourense), Gundivós (Lugo), Buño (A Coruña), Badajoz, Cáceres, Córdoba, Jaén, León, Toledo ou Zamora.

Ademais do carácter comercial, FOLT é unha feira cun compoñente cultural diferenciador, con pezas tradicionais destinadas ao lume, ao coidado dos animais, á almacenaxe do grao e do viño, á proteción da casa, incluso ao nacemento e á morte dos habitantes de cada lugar da xeografía española.

Así, as pezas que adornan a Praza de Santo Domingo ata este domingo pola tarde constitúen un documento que describe as formas de vida en tempos en que o barro era un valioso recurso de supervivencia.

A concelleira, Cristina López, destacou “o éxito de vendas e visitantes das pasadas edicións da feira, que consolidamos como unha das máis importante do Estado neste ámbito” e destacou “o valor cultural da olería que se reúne nesta mostra, que se suma á ampla programación do San Froilán”.

Os deputados, Efrén Castro e Iria Castro destacaron que “a feira pon a tradición oleira galego no contexto estatal e  incide na labor de promoción e posta en valor da artesanía que se leva a cabo desde o Centro de Artesanía e Deseño e desde a área de Cultura”.