A Rede de Xuderías de España, Caminos de Sefarad, é unha Asociación constituída por concellos que contan nos seus conxuntos medievais cun patrimonio arquitectónico, histórico, medioambiental e cultural, herdanza das Comunidades xudías que os habitaron no pasado.
Os membros da devandita rede, entre os que está o concello de Monforte de Lemos, actúan de forma conxunta para defender o patrimonio histórico e o legado xudeu promovendo proxectos de ámbito cultural, académicos e relacionados co turismo. No desenvolvemento destas acción tamén promoven o intercambio de experiencias nacionais e internacionais que contribúan ao coñecemento e respecto mutuo de pobos, culturas e tradicións.
Un dos temas da asemblea celebrada en Hervás foi o nomeamento definitivo dos compoñentes da Mesa de Presidencia quedándose Monforte a vogalía número un. Tras o reparto das Comisión de Traballo á cidade do Cabe correspondeulle a presidencia da Comisión de Turismo.
A Mesa da Presidencia quedará conformada do seguinte xeito:
Presidencia: Concello de Hervás
Vicepresidencia Primeira: Concello de León
Vicepresidencia Segunda: Concello de Estella-Lizarra e Concello de Lucena
Vogal 1: Concello de Monforte de Lemos
Vogal 2: Concello de Plasencia
Vogal 3: Concello de Segovia
