O obradoiro de Estefanía Padullés, Atrévete a facer o teu propio libro, do Programa Ler conta moito levado a cabo en outubro na biblioteca, foi o xerme destas obras partindo da frase: “A noite caera sobre as ruínas,… unha noite fría e chuviosa. Achegábase a tormenta”.

A exposición poderase visitar do 22 de xaneiro ó 17 de febreiro no mesmo horario que a biblioteca.

O pasado mes de outubro as instalacións acolleran a Exposición de acuarelas do alumnado de 2º e 4º de Primaria do mesmo centro, inspiradas pola obra de Belén Rodríguez Pazo. A biblioteca convértese así nun primeiro escaparate para as obras do alumnado, que animado polas súas profesoras Ana e Patricia, coa intención de promover a súa libre expresión artística, sacan as súas creacións fóra do centro educativo.