Este domingo 23 de decembro teatro para adultos coa obra “Ás Portas” a cargo da Asociación Teatral Paso de Valverde, na Casa da Cultura ás 19:00 h.
Para o luns 24 está prevista a recepción do Apalpador na Casa da Cultura ás 12.00 h e para o día de Nadal, 25 de decembro, unha gran gala máxica cos magos Roberto Lolo e Samuel Moreno como protagonistas. A gala para público infantil será na Casa da Cultura ás 18:00 h.
O 28 de decembro a Biblioteca Municipal Camilo Gonsar organiza unha sesión de Contos no Nadal a cargo de María Casar Díaz, será ás 18:30 h.
Os amantes da música teñen o 29 de decembro o “Concerto de Nadal 2018” a cargo da Banda e Coral Polifónica do Concello de Sarria e Asoaciación Sarricanta ás 20:00 h. na Igrexa do Rosario.
Máis maxia, e neste caso cun espectáculo de maxia pola igualdade, o día 30 de decembro a cargo da ilusionista Fani Triana dentro da Programación Nadal pola Provincia da Deputación de Lugo. Na Casa da Cultura ás 18:30 h.
E para rematar o ano, un gran evento deportivo, a “Milla Urbán 2018”. Os participantes percorrerán unha milla dende A Rotonda de Samos ata a Estación de Ferrocarril. A saída está programada para as 18:00 h. e os interesados/as en participar deben inscribirse na web www.championchipnorte.com
Como anticipo de 2019, Sarria convida xa á participación na gran Cabalgada dos Reis Magos de Oriente o día 5 de xaneiro. A saída será ás 18:00 h . da Estación de Ferrocarril e ao rematar haberá festa amenizada polo Grupo Louband.
O día de Reis na Casa da Cultura, os máis pequenos/as poden gozar dunha actuación de teatro: “O Cachopo Máxico” ás 18:00 h.
