Na IV edición dos Cantos de Taberna de Quiroga participarán este ano tres formacións: Os Palletas, Os Parrandas e O Recanto e dez establecementos: Adega de María, As Palmeras, O Portón, Quiper, Ruxe-Ruxe, Bar Lago, Bar Félix, Chapakuña 3, O Roxo Vivo e o Restaurante Torres.
A recepción de participantes farase este sábado ás 17:00 h. na Casa da Cultura coa previsión de empezar a rolda de locais a partir das 18:00 h. Como fin de festa está programada unha foliada conxunta na zona de pubs de Quiroga a partir da medianoite
En canto á organización cada grupo terá un itinerario de bares e disporá duns 20 minutos de actuación en cada un deles. O repertorio será libre e daráselle preferencia aos temas populares tradicionais. Os integrantes dos grupos terán unha consumición e tapa de balde en cada local que farán efectiva coa entrega de vales que lles facilitará a organización.
E xa de cara ao sábado 29 de decembro a cita será no Auditorio Municipal co gran concerto do grupo valdeorrés “Son do Sil” ás 19:00 h. Esta actuación está subvencionada polo Plan Único da Deputación Provincial de Lugo.
