O Concello da Pobra do Brollón conmemora o Día das Letras Galegas este sábado 17 de maio co Festival das Letras, un evento que fai posible a Escola municipal de Música Samoeiro e que terá lugar ás 19:00 h. na Casa da Cultura Olga Novo.
As cantareiras e á poesía popular oral son este ano as protagonistas de tal data, co cal o devandito festival, que xira arredor da música tradicional, cobra un especial sentido. Deste xeito, actuarán a Coral Polifónica Samoeiro e alumnado dos grupos de canto e pandeireta, gaita e baile.
RESTO DE PROGRAMACIÓN CULTURAL EN MAIO
Haberá dúas presentacións de libros, empezando o luns 26 de maio, cando o poeta Mario Obrero, acompañado por Olga Novo e Xurxo Ayán, presentará o seu novo libro, ‘Con e de curcuspín‘. O venres desa mesma semana, día 30, presentarase ‘O Inframundo‘, novela de aventuras de Guillelme Denís Castillo ambientada na Cova das Choias.
E xa o sábado 31, rematando maio, levarase a escea a obra de teatro Alma de Grilo de Ítaca Teatro, baseada no libro homónimo de María García.
As tres citas devanditas serán ás 20:00 horas na Casa da Cultura ‘Olga Novo’ e con entrada de balde.
