InicioCulturaOs nenos e nenas do Incio concienciados co seu Mamut

Os nenos e nenas do Incio concienciados co seu Mamut

Entre as actividades de Nadal que programou días atrás o Concello do Incio destacou un obradoiro de debuxo que intentaba poñer en valor a figura deste extinguido animal.

Publicado o

- Advertisement -

Nesta actividade, que levaba por título “O Incio, unha historia, un debuxo”, o debuxante Xosé Manuel Fernández explicoulles aos cativos e cativas os detalles máis importantes da historia que deu lugar ao achado dos restos dun Mamut Lanudo en 1961 na canteira de Buxán. Coñecido o relato de como estes animais poideron chegar a estas terras e de como, por casualidade, se soubo que moraron aquí durante tempo, agora serían eles os que deberían plasmar o anterior en debuxos.

Mamut do Incio. Autora: Dana
Mamut do Incio. Autora: Paula

A primeira parte do traballo consistiu en que cada participante debuxase un mamut, e a segunda en intentar levar o acontecido á banda deseñada creando unha historia gráfica. Primeiro unha libre interpretación debuxada do “Mamut do Incio” e despois unha recreación da historia en varias viñetas.

A historia gráfica do Mamut do Incio. Autor: Adrián

Con esta actividade, ademais de encher de lecer creativo unhas horas do mes de decembro para os pequenos e pequenas, tamén se pretendía comprobar que coñecen detalles importantes da historia do Incio e que están concienciados da importancia que teñen.

A actividade desenvolveuse unha tarde no Salón Multiusos do Incio, na Casa do Concello, e outra tarde no Local Social da parroquia de Vilademouros. Ao final das dúas xornadas a alcaldesa Laura Celeiro quedou moi satisfeita cos traballos e a maioría dos nenos e nenas cederon os debuxos para difundilos. Todos e todas coincidiron en estar orgullosos do “seu Mamut” e un traballo conxunto de profesor e alumnos realizado o primeiro día quedou de agasallo para o concello.

Debuxo conxunto realizado por profesor e alumnos/as que quedou de agasallo para o concello.

ÚLTIMAS

“Case todo o que pisamos na montaña é comestible ou medicinal”, Carolina Martínez, divulgadora de plantas silvestres

Carolina Martínez González naceu en Barcelona, é neta de inmigrantes galegos e hai 9...

Prisión provisional para un home que rompeu o nariz á súa parella e deixou na UCI ao dono dun bar en Samos

O Xulgado de Sarria decretou o ingreso en prisión provisional comunicada e sen fianza...

Investigado un veciño de Monforte que roubou un coche e que era buscado polos xulgados de Coslada

A Garda Civil imputou en calidade de investigado a un veciño, de 38 anos,...

Chantada quere Sanidade concéntrase o 2 de decembro ás 13:00h diante do centro de saúde

Aseguran desde a plataforma que se a situación se estaba deteriorando dende hai anos,...