Este domingo día 17 de marzo inaugurouse no Círculo Saviñao de Escairón a exposición de pintura de Carmen Prado “Novos personaxes”. Permanecerá ata o 28 de abril no local social.
Foi ás 20:00 h. e o acto estivo moi concurrido, aproveitando os alí presentes para facer unha visita comentada coa autora e despois gozar dun viño e uns pinchos.
Carmen Prado é unha pintora autodidacta que pinta por afección e intuición atopando nesta disciplina artística unha forma máis de expresarse e dicir o que quere. As imaxes que atopamos na súa obra parten da observación do máis cotiá, situacións, sentimentos cautivos, posturas inacabadas, personaxes con historias por rematar…
Despois de máis de 20 anos dedicada ao debuxo anatómico e científico en revistas e libros especializadod, no 2013 presenta a súa primeira exposición pictórica e dende aquela non parou. Que teña creacións súas en gran parte da nosa xeografía pero tamén en países como Inglaterra, Dinamarca, Francia, Marruecos demostran o gran interese que esperta a súa obra.
