A Asociación aulaAberta púxose a andar no 2018, por persoas relacionadas co mundo do ensino e con inquedanzas nos ámbitos cultural, educativo e social da comarca de Lemos.
Este xoves 21 de marzo no Centro do Viño teñen organizada unha xornada onde a poesía é a protagonista. Por unha banda preséntase o poemario “Humanidades Desnudas”, escrito por José Carlos López Valcárcel, monfortino apaixoado da poesía desde a adolescencia, aínda que nunca se decidira a publicar ata agora. No prólogo do seu propio libro recolle “fueron ciertas circunstancias, como el nacimiento de su hija Martina, las que le llevaron a recopilar y dar a conocer, traspasando la frontera de la intimidad, estos versos desnudos en los que pone voz a su alma”.
Ademais de presentar o libro aproveitarase para celebrar o Día da Poesía lendo poemas do libro protagonista. Esta cita será a primeira do calendario 2019 da Asociación.
No ano dos seus comezos aulaAberta organizaba unha xornada titulada “Cultivando o sentido do humor” e en xuño presentaban outro libro, «Pioneiras do deporte en Galicia», escrito por Cristina López Villar, doutora en Ciencias da Actividad Física e Deporte.
