HomeDeportesMonforte, final de etapa de 'La Vuelta' o 3 de setembro

Monforte, final de etapa de ‘La Vuelta’ o 3 de setembro

A chegada da Volta Ciclista a España a esta cidade vaino facer nun momento moi especial para a Ribeira Sacra pois para esa data é posible que sexa xa 'Patrimonio da Humanidade'.

Publicado o

POR
Redacción
- Advertisement -

A presentación oficial das etapas de La Vuelta 2021 en Galicia, celebrado na Cidade da Cultura en Santiago o venres 26 de marzo, contou coa presenza do alcalde de Monforte, José Tomé Roca. Na súa intervención sinalou o “importante retorno económico que suporá para Monforte e a Ribeira Sacra ser fin da 19 etapa desta importante competición deportiva o vindeiro 3 de setembro”.

Ademais do rexedor monfortino, participaron entre outros o director xeral de La Vuelta, Javier Guillén, o vicepresidente da Xunta de Galicia, Alfonso Rueda, así como os alcaldes de Santiago, Xosé A. Sanchez Bugallo, de Sanxenxo, Telmo Martín, de Padrón, Antonio Fernández, ou a alcaldesa de Mos, Nidia Arévalo.

POÑENDO EN VALOR A MONFORTE, COMO CAPITAL DA RIBEIRA SACRA

José Tomé lembrou que este evento chegará nun momento moi oportuno porque “a chegada da Vuelta a España a Monforte vaino facer nun momento moi especial para a Ribeira Sacra porque agardo que en xullo sexa declarada en China pola UNESCO Patrimonio da Humanidade. É unha ocasión magnífica para que cando chegue La Vuelta en setembro, xa teñamos a declaración de Patrimonio da Humanidade para o conxunto da Ribeira Sacra”.

Do mesmo xeito, recordou que este ano 2020, así como o vindeiro 2022, é Ano Santo Xacobeo, polo que Monforte e a Ribeira Sacra tamén adquiren un protagonismo especial ó transcorrer o Camiño de Inverno polas súas terras.

Antes de rematar a súa intervención, Tomé Roca, aproveitou tamén para resaltar os principais atractivos turísticos, paisaxísticos, gastronómicos e culturais de Monforte e da Ribeira Sacra. Destacou os valores artísticos e culturais da cidade, con especial énfase nos Escolapios, “segundo Escorial galego”, o Museo Sacro e o Museo do Viño. Salientou tamén a calidade dos caldos da Ribeira Sacra e concluíu “o espectador vaise atopar, co final de etapa en Monforte, cunha paisaxe cultural e natural únicas”.

ÚLTIMAS

A Deputación adxudica a explotación dos Náuticos Ponte do Sil e Maiorga

Con estes acordos, a institución provincial dá continuidade á actividade turística e de lecer...

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...

Tomé presenta uns Orzamentos de 21,5M€ incrementándose nun 16% con respecto ao 2025

O orzamento será sometido a debate e aprobación no Pleno municipal do vindeiro luns...