O resultado para o Club Natación Monforte en Ponteareas non podía ser mellor, obtendo 11 medallas: Prata para José Manuel Martínez, Prata e Bronce para David Martínez que debutaba nesta categoría, 3 Ouros e unha Prata para Edmundo Novoa, e tres Ouros e unha Prata para Teresa Fernández. O Club felicita aos seus nadadores da categoría Master, polo seu rotundo éxito no Campionato Galego.

O Domingo día 13, tocoulle a quenda ás categorías Infantil, Junior, e Absoluto novo. En total 14 nadadores desprazáronse á piscina de Frigsa (Lugo), para participar nunha toma de tempos organizado polo Club de Natación Portamiñá. Trátase dun control de marcas previo ás competicións autonómicas que se disputarán nas próximas semanas, no que se conseguiron mellorar moitas marcas persoais, e mínimas en varios equipos de substitucións, todo iso a pesar de ser a primeira vez que se compite nunha piscina de 25 m desde o inicio de Pandemia.