HomeDeportesO Quixós, primeiro por equipos na Copa Galicia do Rosal

O Quixós, primeiro por equipos na Copa Galicia do Rosal

O mérito para este resultado está nas promesas do club monfortino de piragüismo que gañaron un total de 14 medallas.

Publicado o

POR
Redacción
- Advertisement -

A competición a nivel autonómico tivo lugar este domingo 27 de xuño no río Tamuxe, no Concello do Rosal, e participaron 4 equipos.

O monfortino Quixós, un dos favoritos, chegaba ademais con piragüistas que competían por primeira vez, e unha elas, Abril Fernández, conseguiu un ouro na categoría de K1 Prebenxamín.

O nivel amosado pola rapazada do Quixós non deixa lugar a dúbida, con 14 medallas conseguidas nas diferentes categorías nas que competían. Como curiosidade pódese comentar, por exemplo, que na categoría K1 Prebenxamín, o pódium estaba composto integramente por palistas do Quixós. Antón Liñares foi ouro, Marco Rodríguez levou a prata e Mateo Valladares o bronce.

Para completar o cadro masculino, as medallas repartíronse do seguinte xeito: Martín Prats levou ouro e prata en K1 e C1 Alevín respectivamente; Jacobo Rodríguez tamén fixo dobrete, neste caso con dous ouros en K1 e C1 Infantil; e xa en K1 Benxamín os monfortinos Xoel Fernández e Rodrigo Morillo levaron ouro e bronce respectivamente.

No cadro feminino, ademais da sorprendente vitoria da debutante Abril Fernández, destacar os dous ouros de Nerea Gutiérrez en K1 e C1 Infantil e as dúas pratas de Sara Inés Varela en K1 e C1 Alevín.

Santi Díaz, director deportivo do club, amosou a súa satisfacción e valorou moi positivamente a motivación de todos, especialmente dos que se estreaban a nivel competitivo.

Santi Díaz recollendo o trofeo de mellor equipo / XdL

ÚLTIMAS

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...

Tomé presenta uns Orzamentos de 21,5M€ incrementándose nun 16% con respecto ao 2025

O orzamento será sometido a debate e aprobación no Pleno municipal do vindeiro luns...

O BNG de Monforte esíxelle ao Concello solucións para as traballadoras da limpeza nos colexios públicos

A formación nacionalista lembra que xa preguntou no anterior pleno pola situación destas traballadoras...

O Centro Comercial Ponte Vella dálle a benvida ao Nadal

O C.C. Ponte Vella dará a benvida á Nadal hoxe co acto simbólico de...