Esta fin de semana celebrouse na Piscina Rías do Sur de Pontevedra, o Campionato Galego Infantil de Verán, competición á que asistiron 8 nadadores do Club.
“Despois dun duro traballo realizado durante toda a tempada, os resultados demostraron o alto grao de preparación e desempeño dos nosos deportistas. En xeral as marcas persoais melloráronse notablemente, e iso deixouse ver nos postos logrados nas clasificacións xerais das distintas probas,” sinalan desde o Club.
Javier Pontón conseguiu 3 medallas (Prata en 200 costas, broce en 100 costas, e bronce en 50 libres), e unha medalla de broce conseguida por David Conde en 200 metros estilos. “Igualmente destacar ese meritorio cuarto posto conseguido na proba de substitucións masculina 4 x 100 estilos, no que se deixa claro a boa compenetración dos nosos nadadores. Parabén a todos por este sensacional torneo,” conclúen desde o Club.
