A expedición monfortina chegaba na mañá deste 15 de agosto ao Concello de Dumbría para competir na IV regata da Liga Galega Promoción Slalom 2021 que se disputaba no encoro da Fervenza. Facíao con catorce palistas, algún e algunha deles/as para facelo en dúas modalidades, canoa e kayak.
O resultado final, despois das dúas mangas realizadas, non puido ser mellor para o Quixós, pois acadou 16 medallas subindo 12 palistas aos caixóns. E co mérito engadido de que o circuíto era ‘algo bravo’, con bastante máis corrente da que estaban acostumados/as nas competicións anteriores da Liga Galega Promoción Slalom.
Dos deportistas que obtiveron medalla, catro deles recundaron con dúas ao participar nas dúas categorías. Así, pois, Nerea Gutiérrez e Jacobo Rodríguez acadaron 2 medallas de ouro; en K1 e C1 infantil respectivamente. E con dúas volven a Monforte tamén Martín Prats; ouro en K1 alevín e prata en C1 alevín e Sara Inés Varela; ouro en K1 alevín e prata en C1 alevín.
Como curiosidade, no que respecta ao pódium, salientar a categoría de K1 prebenxamín masculina na que tres palistas do Quixós coparon o mesmo. Así, Mateo Valladares foi ouro, Antón Liñares prata e Marco Rodríguez bronce.
O resto de medallas repartíronse do seguinte xeito:
Abril Fernández quedou primeira en K1 prebenxamín; Mara Ledo foi bronce en K1 alevín, Xoel Fernández ouro en K1 benxamín; Rodrigo Morillo bronce en K1 benxamín, Efrén Rodríguez bronce en K1 alevín.
E vistos estes resultados, o Club Quixós acadou o primeiro posto por equipos.
CURIOSAS MEDALLAS
Outra curiosidade da xornada atopámola nos galardóns. O DEP Dumbría, anfitrión nesta ocasión, fixo unha entrega de medallas algo especial, pois estas non eran de metal se non que eran galletas.
Tanto os trofeos individuais como os de club eran unhas galletas artesáns coa súa respectiva cinta, collendo ademais cada deportista a súa ao subir aos caixóns, non habendo ningunha autoridade na entrega.
