INFANTIL: CB VAL DE LEMOS 59 – 33 DEPORDIMA, partido de volta da final polo título de liga provincial. Os monfortinos traían unha renta de trece puntos do partido de ida, pero encaraban desconfiados o partido porque sabían do bo nivel dos ourensáns. Así, os dous primeiros cuartos a igualdade no marcador foi a tónica dominante.
O paso polos vestiarios sentoulle mellor ós pupilos e pupilas de Marga, que calmaron os nervios, e grazas a unha gran intensidade defensiva, abriron brecha no marcador, o que permitiu ter un final de partido máis tranquilo.
Agora chega a fase de ascenso, pero pase o que pase, a tempada deste equipo infantil xa é excelente.
BENXAMÍN: CB VAL DE LEMOS 50 – 0 BLANCO AMOR, bo partido do equipo de Sobrino, que segue a medrar no bo xogo o que o fai subir postos na clasificación. Nestas categorías, ó acadar unha diferencia de 50 puntos péchase acta do partido, o cal non quere dicir que o rival non anote puntos.
ALEVÍN: CB VAL DE LEMOS 31 – 45 DEPORDIMA, bo partido do equipo de Verónica Arias, que competiu ata o final ante un rival físicamente moi superior.
SENIOR IMPRENTA 55 – 61 ABRENTE VAL DE LEMOS, último partido de liga para o equipo senior que dirixe Sanchino, e unha nova victoria nun partido que comezou equilibrado, pero no que a suba intensidade no terceiro cuarto dos monfortinos lle permitiu coller unha ventaxa que resultaría decisiva para levar o triunfo e asegurar o segundo posto da clasificación nesta segunda fase.
