HomeDeportesO Autonómico de Trail Running de Montaña o día 12 en Esgos

O Autonómico de Trail Running de Montaña o día 12 en Esgos

Este domingo o Concello de Esgos como ven facendo nos últimos anos, acolle unha nova edición do Campionato Xunta de Galicia de Trail Running na subespecialidade de Carreiras de Montaña.

Publicado o

POR
Redacción
- Advertisement -

Logo da ausencia nos dous últimos anos, retómase esta modalidade do Trail Running na que destaca a presenza da atleta máster internacional do Comesañasa Sporting Club, Soledad Castro Soliño, quen defende o título logrado na última edición do ano 2019. De igual modo tamén estarán os últimos campións galegos M45 e M50, José Mira, do Burgas Ourense e Juan Rivas do Cambados Seguro Noval así como a subcampioa F50, Monserrat Carreira ,do Comesaña S.C.

A saída está prevista para as 11:00 horas diante da Casa do Concello de Esgos, discurrindo a proba por unha fermosa e espectacular contorna da montaña ourensá cuxo percorrido total é de 13 k. A altura máxima rexistrarase en O Eirado na que se alcanzará os 1.163 m. e a mínima en Esgos onde a cota será de 581 m.

Durante o campionato haberá puntos de avituallamento no Mosteiro de San Pedro das Rocas, Arcos, Virxe do Monte e na chegada situada en Esgos.

ÚLTIMAS

Un ferido nun accidente de tráfico na LU-109 en Monforte de Lemos

Un condutor resultou ferido este sábado en Monforte de Lemos ao impactar contra unha árbore o...

O IES A Pinguela participou nas ‘Rutas Científicas, Artísticas e Literarias’ do Ministerio de Educación

23 alumnos de 2º ESO A+B do IES A Pinguela remataron a súa participación...

‘Marida Maio’ ten que ampliar o aforo na súa 2ª convocatoria

As xornadas enogastroturísticas da Ribeira Sacra, coñecidas como Marida Maio, celebraron este pasado xoves...

Adxudicada a mellora de 6 estradas provinciais en Chantada

A Xunta de Goberno aprobou a adxudicación, á empresa Fevisa Vías y Obras, da...