HomeDeportesActividades de montañismo no CPI Poeta Uxío Novoneyra do Courel

Actividades de montañismo no CPI Poeta Uxío Novoneyra do Courel

O Club de Montañeiros Celtas, en colaboración co Xeoparque Montañas do Courel e o Concello de Folgoso do Courel, realizou este pasado luns e realizará hoxe martes varias actividades arredor da orientación na montaña.

Publicado o

POR
Redacción
- Advertisement -

A axenda deu comezo coa presentación e explicación das actividades de orientación a cargo do Club de Montañeiros Celtas, e ás 11:00 horas os alumnos e alumnas de Educación Infantil e Primara do CPI Poeta Uxío Novoneyra fixeron una marcha de orientación na aldea de Parada.

Ao remate desta actividade houbo un relatorio sobre a ‘Ascensión ao Annapurna (8091m)-Himalaia’, a cargo de Sechu López e dirixida a alumnado de Secundaria. Este montañista foi o primeiro galego en subir a este monte, considerado un dos máis difíciles do mundo.

Ao rematar a primeira xornada, a alcaldesa Lola Castro fíxolles entrega dunha braga deportiva para o pescozo aos nenos e nenas participantes.

Entrega de agasallos. Foto: Prensa Concello Folgoso do Courel

A axenda retómase hoxe, 14 de xuño, ás 11:00 horas cunha marcha de orientación na aldea de Moreda para alumnos e alumnas de Secundaria.

Desde o Concello de Folgoso trasladan o seu agradecemento ao Club de Montañeiros Celtas por achegar a súa experiencia ao alumnado.

ÚLTIMAS

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...

Agreden a un árbitro menor de idade tras o partido entre o Calansancio e o Arenteiro

A familia dun árbitro de 16 anos presentou unha denuncia ante a Policía Nacional...

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...