Nesta primeira fin de semana de xullo disputouse en Valladolid o Campionato de España de seleccións autonómicas. Para este evento a Federación Galega convocou a de 15 deportistas do Club
Korbis, sendo o club da comunidade con máis convocados e o único que achega deportistas a todas as seleccións galegas.
Os deportistas convocados foron: Daniel Pena, Daniel López, Manuel Fernández, Borja Cota e Izan Rodríguez (infantil masculino); Aroa Pérez, Valeria García, Jessica Pérez, Lucía Alba e María Suárez (infantil feminino); Germán Álvarez e Luís Antonio Cota (cadete masculino) e Jessica Goyanes (cadete feminino); e como seleccionadores; Miguel Angel de la Gama do equipo infantil masculino e Roberto Castro do infantil feminino.
A selección cadete masculino logrou a medalla de prata despois dunha final igualadísima fronte ao combinado canario que finalizou 3 sets a 1. Tras unha primeira fase complicada con vitoria ante Aragón e derrota con Cataluña por un axustado 3-2 o combinado galego derrotou en cuartos de final a Aragón e tivo que enfrontarse en semifinais a unha das claras favoritas como era a selección andaluza. Nun partido cardíaco e tras varios puntos de partido Galicia venceu no quinto set por 19-17.
O equipo infantil masculino realizou un torneo inmaculado a pesar de ser un dos equipos con menos altura de todos os participantes. Os mozos dirixidos por Miguel Angel de la Gama venceron por 3 a 0 en todos os seus partidos: Aragón e Asturias na fase previa; Murcia en cuartos de final e Estremadura no partido pola medalla de bronce. A única derrota chegou en semifinais ante a selección da Comunidad de Madrid, que ao cabo sería a campioa do torneo, nun partido de infarto que se decidiu no quinto set por 15-11. Hai que destacar o excelente nivel de xogo despregado por estes pequenos xogadores.
As seleccións femininas finalizaron en sexta posición despois dun torneo con altibaixos. As infantís vencían na fase de grupos a Aragón e Murcia e caían derrotadas ante Andalucía. Esta derrota levoulles a un cruzamento moi complicado ante a comunidade Valenciana con quen caeron por 3 a 1. Na loita polo quinto posto vitoria por 3 a 1 ante Canarias e derrota con polémica ante a Comunidad de Madrid por 3 sets a 2. As cadetes encadradas nun grupo moi complicado lograron a primeira posición tras vencer a Canarias e Cantabria e caer por 3 a 2 con Baleares. En cuartos de final partido agónico ante a C. Valenciana que se decidiu no tie break con derrota por 15-8. Na semifinal polo quinto posto vitoria ante Castela a Mancha e nova derrota ante Baleares para finalizar sexta clasificada.
