O río Cabe, no tramo que pasa polo Paseo do Malecón antes do Bar Anchoas, foi o escenario da 4º proba da Liga Galega Promoción Slalom.

O Club monfortino Quixós participaba como anfitrión e subiu 13 padeeiros e padeeiras ao podium acadando o 2º posto por equipos detrás do Club Tea Mondariz, gañador da proba que disputaban 6 clubes de piragüismo de Galicia.

MEDALLEIRO

Mateo Valladares: foi ouro en K-1 Prebenxamín.

Abril Fernández: ouro en K-1 Benxamín.

Sara Inés Varela: ouro en K-1 e C-1 Infantil.

Martín Prats: ouro en K-1 e bronce en C-1 Infantil.

Xoel Fernández Méndez: ouro en K-1 Benxamín.

Antón Liñares: prata en K-1 Benxamín.

África: bronce en K-1 e C-1 Alevín.

Edgar Álvarez: ouro en K-1 e C-1 Alevín.

Diego: bronce en K-1 Infantil.

O Club Quixós acadou a medalla de prata tras quedar segundo na clasificación final por equipos.

Na entrega dos metais estiveron presentes, ademais de Iván Gutiérrez, presidente do Club anfitrión, o concelleiro de deportes, José Manuel Mougán, e a tenente de Alcalde, Gloria Prada.