HomeDeportesBóveda adxudica a construción dunha pista multideporte no CEIP Rosalía de Castro

Bóveda adxudica a construción dunha pista multideporte no CEIP Rosalía de Castro

O Concello de Bóveda vén de adxudicarlle á empresa Sport Equipalia SLU o contrato de obras de execución dunha pista multideporte no centro educativo CEIP Plurilingüe Rosalía de Castro por un importe de 79.858 euros.

Publicado o

POR
Redacción
- Advertisement -

A actuación conta cunha subvención da Xunta destinada a entidades locais para actuacións de adecuación das pistas multideportes nos centros de educación infantil e primaria e nos centros públicos integrados non universitarios. O Goberno galego faise cargo do 85% do custo total das obras.

A instalación proxéctase dentro do recinto educativo, nunha superficie verde moi ampla onde os nenos e nenas do colexio saen xogar en horario lectivo.

Este proxecto de construción dunha pista multideporte enmárcase dentro do obxectivo do Concello de Bóveda de avanzar na mellora das instalacións deportivas de cara a promover unha vida saudable entre os alumnos do centro, así como entre outros posibles usuarios do Concello, sendo á súa vez estes espazos zonas de convivencia veciñal tanto entre adultos, como entre nenos.

Con esta actuación preténdese converter ao centro educativo nun espazo polifuncional no que se poidan practicar polo menos cinco deportes, permitindo un uso polivalente dentro e fóra do horario escolar. As obras terán un prazo de execución de dous meses.

ÚLTIMAS

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...

Agreden a un árbitro menor de idade tras o partido entre o Calansancio e o Arenteiro

A familia dun árbitro de 16 anos presentou unha denuncia ante a Policía Nacional...

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...