HomeDeportesQuixós volve de Mondariz con catro 'campións galegos'

Quixós volve de Mondariz con catro ‘campións galegos’

Este domingo 25 de setembro tivo lugar o 'Campionato Galego de Promoción Slalom', competición que pecha a tempada. O club monfortino ademais dos 4 campións de Galicia, acadou 10 medallas en total e o segundo posto por equipos.

Publicado o

POR
Redacción
- Advertisement -

Esta mañá, a praia fluvial do Val, en Mondariz, era testemuña da última competición da tempada celebrándose o ‘Campionato Galego de Promoción Slalom’.

O Val en Mondariz / XdL

O Club Quixós chegaba cunha abondante expedición e malia a dificultade da auga, moi dura; do aire, que movía as portas; e unha canle do río moi baixa obtivo uns moi bos resultados. En total viñeron para Monforte 10 medallas e un segundo posto por equipos detrás do Club Tea Mondariz, equipo anfitrión. Desas medallas, 4 foron de ouro, o que lle outorga ao club o mérito de acabar a tempada cunha campioa e tres campións galegos: Sara, Edgard, Mateo e Xoel.

MEDALLEIRO

Sara acadou ouro en C-1 e prata en K-1 infantil; Martín Prats foi prata en K-1 e C-1 respectivamente; Xoel Fernández foi ouro en K-1 benxamín; Mateo Valladares ouro tamén en categoría K-1 prebenxamín; Abril, prata en K-1 benxamín; Edgard, ouro en K-1 alevín; África foi prata en K-1 alevín; e Antón Liñares, prata tamén en K-1 benxamín.

Primeira praza de Sara en C-1 infantil / XdL
Ouro de Xoel e prata de Antón en K-1 benxamín / XdL
Ouro de Mateo Valladares en K-1 prebenxamín / XdL
Edgard, ouro en K-1 alevín / XdL

Ademais das medallas cómpre salientar bos resultados de novos e novas padeeiros/as que levan unha gran progresión como Manuel Rodríguez, que foi cuarto en K-1 prebenxamín; África cuarta en C-1 alevín; Esteban Podeur, cuarto en K-1 infantil; e Lucas Pavón, quinto en K-1 infantil.

ÚLTIMAS

Tomé presenta uns Orzamentos de 21,5M€ incrementándose nun 16% con respecto ao 2025

O orzamento será sometido a debate e aprobación no Pleno municipal do vindeiro luns...

O BNG de Monforte esíxelle ao Concello solucións para as traballadoras da limpeza nos colexios públicos

A formación nacionalista lembra que xa preguntou no anterior pleno pola situación destas traballadoras...

O Centro Comercial Ponte Vella dálle a benvida ao Nadal

O C.C. Ponte Vella dará a benvida á Nadal hoxe co acto simbólico de...

“Entre Bruxas” en Torbeo, este 21 de novembro desde as 18:00

No 2025, asociación e concello puxeron en marcha «Tempo de Bruxas», un encontro dedicado...