Andrea Gudín refrendou unha das súas mínimas, a da 50 Braza cun excelente rexistro para o Campionato de España Infantil. Pola súa banda Javier Pontón realizou a de 100 Libres para os Campionatos de España de Primavera e Verán Junior e Odei Arias a de 100 Costas para o Campionato de España Junior de Verán. Estas mínimas sumadas a outras anteriormente realizadas, fan que a representación monfortina sexa moi importante nos campionatos principais da tempada.      

Ademais, Javier Pontón foi seleccionado pola Federación Galega para formar parte do equipo que competirá no XI Campionato de España por Federacións territoriais que se celebrará en Torrevieja os días 10 ao 12 de febreiro, nadando 50 e 100 Libres e posiblemente formando parte dos equipos de substitucións.       

En canto aos máis pequenos, Martín Prats, do ano 2009, asistiu á primeira xornada do GES (Grupo Especial de Seguimento) no Centro Galego de Tecnificación Deportiva en Pontevedra, para comprobar a súa evolución xunto cos mellores nadadores galegos da categoría alevín.”