Organización e voluntarios empregáronse a fondo para que todo saíse á perfección e así foi. Sen dúbida, o evento cumpriu coas expectativas de todos os asistentes: corredores, acompañantes e voluntarios. “Infinitamente agradecidos polo labor desempeñado polos 140 voluntarios ao longo de toda a fin de semana, ademais de todo o seu traballo previo. Sen eles, isto non sería posible” expresan emocionados Blas Rodríguez e José Manuel Rodríguez, impulsores do evento.

Ao podio masculino do minitrail subíronse Nicolás Besoy, Christopher Fernández e Eloy Martínez, en primeiro posto, segundo e terceiro respectivamente. En mulleres as gañadoras foron Beatriz Álvarez, Cristina Rodríguez e Aida Cadrado, nesa orde. Na distancia trail os gañadores foron David Rodríguez, Ramón Roselló e Álvaro González, respectivamente. As tres primeiras mulleres foron Lucinda Sousa, Esther Márquez e Patry Noya. En canto aos circuítos, os gañadores do minitrail foron Christopher Fernández e Beatriz Álvarez; no circuíto trail, Javier Janeiro e Patry Noya; en distancia circuíto maratón, Eduardo Fabeiro e a portuguesa Lucinda Sousa. Finalmente, no circuíto ultra repetiron vitoria José M. Gil e Silvia Trigueros.

Balizajes, seguridade, avituallamientos, fotógrafos ao longo de todos os percorridos, os recibimentos en meta, todo funcionou á perfección nesta festa do trail galego. Coas emocións aínda a flor de pel, a organización e os concellos de Quiroga e Ribas de Sil agradecen unha vez máis a confianza depositada.