O Concello de Monforte xa ten data para a celebración da Carreira Popular do ano 2024, será o domingo, 28 de abril. Trátase da edición número 14 deste xa tradicional evento, que encherá de corredores e corredoras as rúas máis céntricas da cidade.

A carreira conta cun percorrido de 10 km para a carreira absoluta, completamente urbano, e que transcorrerá polas rúas máis céntricas da cidade, así como percorridos para as carreiras de categorías menores de diferentes distancias en función da idade das persoas participantes.

“Nos vindeiros días, dende o Concello iremos informando convenientemente sobre aspectos relevantes do evento como o inicio das inscricións, o regulamento da proba, protocolos específicos, entre outros aspectos” indicou o alcalde.

Na web www.monforte10k.com poden realizarse as inscricións, pódese consultar información de edicións anteriores (inscritos, resultados e clasificacións, fotografías e
vídeos, etc.