Rematan as obras de reparación das pistas de tenis municipais consistentes na mellora do drenaxe e colocación dun novo pavimento así como o pintado das lineas de xogo. Unha vez rematada a instalación do novo pavimento, procedeuse á renovación do peche perimetral das instalacións de exterior.
Para finalizar coa remodelación das pistas, instalouse un sistema automatizado de alugueiro e apertura que permitirá ós usuarios facer unha reserva automática, en función das súas necesidades, podendo escoller día e hora para a utilización das mesmas.
En canto ós horarios e precios, as pistas estarán dispoñibles para o seu alugueiro, de luns a domingos entre as 9:00 h e as 23:00 h e o custe por hora de alugueiro e pista é de 3,09 € que o interesado deberá abonar no momento de realizar a reserva a través da pasarela de pagos habilitada para tal fin.
Esta actuación, tal e como explicou o alcalde, José Tomé, “enmárcase dentro do meu compromiso como Alcalde de transformar e mellorar o Concello de Monforte. Neste sentido, unha das zonas da Cidade que tivo unha transformación moi positiva é a zona da Pinguela, que coa mellora das rúas, o Parque Covas-Pinguela, o novo pavillón de deportes, a mellora de todo o espazo destinado a estacionamento, incluída a iluminación, e agora, a reforma integral das pistas de tenis, mellora moitísimo a súa calidade residencial que se completará xa de todo, coa finalización da reforma da piscina municipal”.
