O encoro de Pontillón do Castro, en Verducido (Pontevedra), onde están as instalacións da Federación Galega de Piragüismo, acollía este pasado domingo 13 de abril a II Competición de la Copa Galega de Promoción de Slálom 2025. O club campión foi o Club Deportivo Miño-Os Teixugos, e por detrás quedaron de segundo e terceiro o Club Piragüismo Penedo-Teimporta e o Club de Montaña Quixós, respectivamente.

Os monfortinos chegaban con moi poucos efectivos, tan só 4 piragüistas, pero aínda así os bos resultados colleitados con 5 medallas fixeron posible que o Quixós subise ao caixón.

MEDALLEIRO

Manuel conqueriu unha medalla de ouro en C-1 e un bronce en K-1 alevín; Breixo gañou unha medalla de prata en K-1 benxamín; e Xoel colgouse dúas medallas máis na categoría infantil, unha de prata en K-1 e outra de bronce en C-1.