Fafián, chantadino de nacemento, afronta así a súa 19ª tempada consecutiva á fronte do equipo, consolidándose como unha das figuras máis emblemáticas do club. Durante case dúas décadas, Fafián ten liderado o CB Chantada con traballo, paixón e compromiso, construíndo un proxecto deportivo sólido e respectado no baloncesto galego.

Por outra banda, ‘Albertito’ Gómez, que tamén foi xogador do CB Chantada e posteriormente adestrador principal, segue sendo a man dereita de Fafián unha tempada máis. A súa experiencia e coñecemento do club son un gran apoio para manter a estabilidade e o crecemento do equipo.

“A continuidade deste tándem garante que o proxecto do Ucoga Seguros CB Chantada manteña o rumbo, cun equipo con gañas de competir e un baloncesto que emocione á afección”, conclúe o club.