EFE.- Adif aprobou a licitación do contrato para redactar os proxectos de mellora de “infraestrutura e vía” no tramo Covas-Monforte de Lemos, pertencente á liña férrea de ancho convencional León-A Coruña. Segundo informou o propio Administrador de Infraestruturas Ferroviarias, o orzamento de licitación supera lixeiramente os 3,36 millóns de euros.

O contrato comprende estudos e proxectos para renovar a vía e mellorar os desmontes, terrapléns, pontes, túneles e canalizacións de drenaxe nese tramo, que ten uns 85 quilómetros de lonxitude.

Analizaranse, por tanto, os problemas detectados en desmontes e terrapléns -como esvaramentos-; realizarase unha inspección de todas as pontes do tramo -para proxectar as actuacións previstas-; estudarase o estado de conservación dos túneles e revisarase o funcionamento dos sistemas drenaxe.

O proxecto tamén contempla a renovación da vía en todo o tramo, que formará parte do Corredor Atlántico Ferroviario Vigo-Ourense-Monforte-León.