HomeEconomíaCC.OO. ‘anima a consumir’ para que non morra o comercio

CC.OO. ‘anima a consumir’ para que non morra o comercio

A representación desta forza sindical na zona sur de Lugo reflexiona sobre o efecto dos gromos de coronavirus na economía local e convida a axudar co consumo.

Publicado o

POR
Redacción
- Advertisement -

Mario Docasar, nun comunicado público como secretario de acción sindical de CC.OO., amosa a súa preocupación polos gromos da covid-19 en Lugo, pero especialmente en Lemos e Sarria.

“Non entendemos a baixada da garda dalgúns colectivos que seguen sen concienciarse das consecuencias que supón para a economía e para o emprego”, sinala Docasar.

Segundo indica, actualmente hai uns 1.667 Ertes e 8.436 traballadores en situación moi precaria co agravante de que na hostalería e no comercio moitos deles, que xa foran rescatados, volveron formar parte de novos expedientes. Láiase especialmente de Monforte onde considera que “a hostalería está baixo mínimos dando unha imaxe desoladora con graves consecuencias económicas e perdas de postos de traballo”.

Con este panorama, e nun chamamento final, Mario Docasar convida a que todas e todos os monfortinas/os consuman e gasten nos establecementos locais, “que son a nosa galiña dos ovos de ouro”, pois representan o 65% do emprego na zona.

ÚLTIMAS

Chantada reforza o acceso á información turística nun outono que segue atraendo visitantes á Ribeira Sacra

Destaca o interese dos visitantes nesta época do ano na que a paisaxe do...

A Deputación adxudica a explotación dos Náuticos Ponte do Sil e Maiorga

Con estes acordos, a institución provincial dá continuidade á actividade turística e de lecer...

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...