A campaña para incentivar as compras no comercio local das cidades e vilas da provincia terá lugar entre o 6 de decembro de 2020 e o 6 de xaneiro de 2021 e nela poderán participar todos os clientes dos establecementos asociados ao Centro Comercial Urbano de Monforte que merquen nestas datas. Entre eles sortearanse 10.000 euros en premios que estarán distribuídos en 20 tarxetas prepago agasallo de 300 euros e 20 tarxetas de 200, debendo ser empregados estes cartos para volver mercar nos establecementos asociados. O sorteo realizarase ante notario o vindeiro 14 de xaneiro de 2021
PARTICIPAR É MOI DOADO
1. Cómpre facer unha compra ou contrata dun servizo nalgún dos establecementos asociados ao Centro Comercial Urbano de Monforte.
2. Rexistrar a compra en: www.lugonadal.com
(O comerciante tamén pode rexistrar directamente a operación de compra a través da plataforma www.lugonadal.com/comercios e deste xeito o cliente duplica a participación para o sorteo).
PUNTO PARA ENVOLVER AGASALLOS
Trátase dunha iniciativa que lanza este ano o CCU de Monforte. Mercando nalgún dos establecementos asociados hai a opción de que che envolvan de balde as compras, sen preocupacións nin perda de tempo para os comercios e para os clientes.
O posto estará na Praza España en horario de mañás de 11:30 a 13:30 h. e de tardes de 18:00 a 20:00 h. O xoves 24 o horario de tarde será de 16:00 a 18:00 h. Para beneficiarse deste servizo chega con amosar o ticket de compra.
