HomeEconomíaFolgoso do Courel aproba un crédito de 20.000 euros para subvencións a...

Folgoso do Courel aproba un crédito de 20.000 euros para subvencións a autónomos e empresas

Esta liña de subvencións pretende, tal e como explica a alcaldesa, Lola Castro, “reactivar a actividade económica do noso Concello para evitar o peche de empresas e axudalas a que poidan retomar a súa actividade e reabrir os seus negocios”.

Publicado o

POR
Redacción
- Advertisement -

O Concello de Folgoso do Courel aprobou no Pleno deste xoves cos votos a favor do equipo de Goberno (PP) e os do PSOE, (Courel Vivo non asistiu), unha modificación de crédito baixo a modalidade de crédito extraordinario financiado con cargo ao remanente líquido de tesourería resultante da liquidación do exercicio anterior por importe de 20.000 euros.

A contía irá destinada a darlle continuidade á liña de subvencións creada para a reactivación da actividade económica no municipio como consecuencia da declaración do estado de alarma. As axudas consistirán fundamentalmente en subvencións para as persoas traballadoras por conta propia a ás pequenas e medianas empresas que se visen afectadas ben por peche temporal da actividade ou pola minoración da súa actividade, cando esta supoña unha caída de máis do 45% dos seus ingresos.

As axudas concederanse polo procedemento de concorrencia competitiva e rexeranse por unhas bases que o Concello fará públicas en canto a modificación de crédito se aprobe de xeito definitivo. Para iso, o expediente exporase ao público a través da súa publicación no BOP durante quince días.

ÚLTIMAS

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...

O Ministerio de Transportes responde a Por un Interior Galego Vivo

O Ministerio responde sinalando os plans previstos en determinados puntos das estradas. Están en...

Éxito da carreira Xacorun e para o 3 de maio prepárase a Pretorian Race

No encontro avaliouse o éxito de participación que rexistrou un ano máis a primeira...

Cortes de rúas e ordenación do tráfico este 5 de abril en Monforte

Dende as 17:30 h ata as 20:00 h permanecerá pechado o tráfico de vehículos,...