A campaña, que comezou xa o pasado 5 de decembro, estenderase ata o vindeiro 2 de xaneiro de 2023 e convida a mercar no comercio asociado dos concellos que conforman o Xeoparque: Ribas de Sil, Quiroga e Folgoso do Courel.

En cada local participante hai unha urna onde se deberán depositar as etiquetas co nome e o teléfono das persoas que acrediten ter feito unha compra superior a 10 euros.

PREMIOS

Nesta ocasión, o total dos 4 premios que sorteará a Asociación de empresarios e comerciantes do Xeoparque Montañas do Courel están valorados en 1.200 euros. Todas as persoas que consumiron en establecementos asociados dos tres concellos do Xeoparque e entren no sorteo optarán aos seguintes premios: dúas noites no Hotel Talaso Atlántico de Baiona con almorzo con 2 horas de circuíto termal; unha noite no aloxamento Rectoral de Castillón de Pantón, con almorzo, paseo en segway e visita pola Ribeira Sacra con cata de queixos e viños; e dúas compras express. Este último premio consiste en gastar nun tempo limitaso 300€ do premio nos comercios participantes.