O proxecto ‘O Courel, destino y futuro’ organiza outra acción formativa no territorio do Xeoparque. Será este martes 27 de xuño tendo programado o seu comezo ás 10:00 h. no salón de actos da Casa do Concello de Folgoso. A xornada versará sobre axudas e subvencións para o sector primario.

A esa hora fará o recibimento Laura Iglesias, coordinadora do programa ‘O Courel, Destino y Futuro’, e a continuación intervirán Carlos Rojo e Lucas X. Vázquez, dous enxeñeiros técnicos agrícolas cofundadores da asesoría Xestogal, especializada en asesoramento a produtores e explotacións do sector primario.

As súas intervencións serán de 10:10 a 12:00 h. e tratarán os seguintes temas:

-PAC, liñas de axudas centradas na Montaña e as coñecidas ‘Zonas con convicencia con grandes carnívoros.

-Subvencións dos Fondos Next Generation.

-Subvencións anuais para reestruturación de viñedos, plan de comercialización ou de investimentos diversos.

-Vías de financiamento das empresas agropecuarias da zona.

-Axudas e subvencións forestais.

Como fin da xornada, entre as 12:00 e as 13:00 h. abrirase unha quenda de consultas sobre os temas tratados.

O acceso á xornada é libre ata completar aforo. Para máis información a organización facilita o correo gestion@ocoureldestinoyfuturo.es e o teléfono 982 804524