O Plan de Educación Financeira, promovido pola Comisión Nacional do Mercado de Valores (CNMV), o Banco de España (BdE) e o Ministerio de Asuntos Económicos e Transformación Dixital (MAETD), é a estratexia nacional de educación financeira en España, deseñada ao amparo dos principios e recomendacións da OCDE sobre esta materia.
Este Plan ten como principal obxectivo mellorar a cultura financieira da cidadanía e, para iso, tanto as entidades promotoras como os colaboradores do Plan desenvolven diversas actividades, algunhas dirixidas á poboación en xeral e outras dirixidas a colectivos específicos (persoas maiores, persoas vulnerables, estudantes en etapa escolar ou universitaria, etc.). Todo isto co obxectivo de que adquiran coñecementos, comportamentos e actitudes que lles permitan tomar decisións financeiras axeitadas ao longo da súa vida, así como desenvolver hábitos financeiros saudables e coñecer as oportunidades e riscos dos produtos financeiros.
O obradoiro enmárcase na celebración da duodécima edición da Global Money Week, evento organizado pola OCDE para promover a educación financeira entre a mocidade, que terá lugar do 18 ao 24 de marzo de 2024, e que estará dirixido ao alumnado de 4º de ESO e Bacharelato, coa finalidade de concienciar sobre a importancia de saber xestionar adecuadamente as súas finanzas persoais. Neste obradoiro abordaranse, a modo de exemplo, aspectos como a planificación das finanzas persoais, os prexuízos cognitivos na toma de decisións financeiras, o consumo responsable, o risco de sobreendebedamento ó utilizar tarxetas ou a prevención da fraude. Intervirán no obradoiro:
- 1ª Tenente de Alcalde, Gloria Prada Rodríguez do Concello de Monforte de Lemos
- Judith Fernández Novoa, Directora Xeral de Ordenación e Innovación Educativa
- Inmaculada Fernández Teijeiro, Subdirectora Xeral de Ordenación, Inclusión e Innovación Educativa
- Director do Banco de España da Coruña
- Relator España do BdE
- María Meléndez, Relartora do Ministerio de Economía
- Sagrario Sánchez Ramil, Xefa Territorial
- María Bóveda Inspectora de Educación
