HomeEconomíaPrimeiros "beneficios tanxibles" para as empresas asociadas á Agrupación Empresarial da Ribeira...

Primeiros “beneficios tanxibles” para as empresas asociadas á Agrupación Empresarial da Ribeira Sacra

A Agrupación Empresarial da Ribeira Sacra acaba de pechar dous acordos de colaboración, que son de interese para as empresas asociadas. Estes acordos materialízanse en dous convenios que a AIE Ribeira Sacra Next, asinou este martes, 19 de marzo, con Gasóleos Monforte S.L. e A Túa Xanela S.L.

Publicado o

POR
Redacción
- Advertisement -

O Presidente da Agrupación Empresarial, Manuel Dacosta, agradeceu a colaboración das empresas coas que se levan a cabo estes primeiros convenios e destacou que se trata do “Primeiro caso tanxible de beneficio para asociados/as a esta Agrupación Empresarial”.

Antonio Vázquez, Administrador de Gasóleos Monforte, asegura que, “Estas colaboracións son unha maneira máis rápida de abrirse á xente, e logo é moi interesante que todos/as vaiamos nun mesmo sentido, que ao final é tirar pola zona da Ribeira Sacra e polo empresariado de aquí.”

Gasóleos de Monforte comprométese a ofrecer ás empresas asociadas á Agrupación Empresarial da Ribeira Sacra un desconto de 6cts / litro combustible.  Gasóleos Monforte S.L. outorgará, á/ó socia/o que o solicite, unha tarxeta de identificación como beneficiaria/o do desconto, documento que deberá presentar obrigatoriamente no momento do consumo de combustible.

O Director Xeral de A Túa Xanela, Iñaki Castiñeira, destacaba a colaboración coa Agrupación para poder coñecer as necesidades do rural, “Interésanos moito porque é unha Agrupación que está asentada no rural e queremos que sexades portavoces das necesidades que hai, para así poder dar condicións de igualdade de acceso no rural”.

A Túa Xanela ofrece ás empresas socias:

  • Fibra de 600 Mbmp simétricos + liña de teléfono fixa a 24€/mes (IVE incluido)
  • Fibra de 600 Mbmp simétricos + liña de teléfono fixa + liña móbil a 34€/mes (IVE incluido)
  • Engadir máis liñas móbiles tería un custe de 5€ adicionais

A porcentaxe de aforro, segundo os casos, pode chegar ao 40%. As empresas asociadas xustificarán a súa pertenza á Agrupación a través dun certificado que terán que solicitar á entidade. Os dous contratos, que se asinaron este martes, teñen un ano de vixencia.

ÚLTIMAS

‘Aquelarre das Meigas’, un evento que se consolida na programación do ‘Estase Cocendo’

O 'Estase Cocendo', as XVII Xornadas do Cocido de Entroido da Ribeira Sacra, encamiñan...

O paro diminúe en marzo en todas as comarcas do sur de Lugo, agás na de Quiroga

Segundo CCOO, os datos do Paro en Lugo Centro Sur son de 2.731 persoas...

A AV de Vilaesteva no Saviñao, alerta da construción dunha central de biogás

A asociación asegura ser coñecedora desta situación por casualidade e trasladoulle as súas preocupacións...

IGV diríxese ao Ministro de Transportes denunciando o estado das estradas de titularidade estatal no interior galego

Interior Galego Vivo asegura que o estado actual da N-540 entre Lugo e Ourense...