Unha das liñas de axudas será para a mellora de instalacións de elaboración e comercialización dos produtos vitivinícolas e outra para medidas de promoción en terceiros países, fóra da Unión Europea.

O Conselleiro do Medio Rural, José González, tamén se referiu no Parlamento, aos resultados da vendima do 2018. Sinalou que a colleita medrou por riba do 4% en relación coa anterior campaña ata situarse, con 64 millóns de quilos de uva, como a segunda máis abondosa da historia, despois da de 2011. Neste sentido, salientou tamén que esta última vendima colocouse case un 10% por riba da media do decenio 2009-2018.

As variedades de cultivo tradicional, potencialmente produtoras de viños de calidade, seguen a ter un peso fundamental no conxunto da vendima, coa uva Albariño en brancos (supón o 71% da uva branca total) ou a Mencía en tintos (representa máis do 79% da uva tinta total).

Nas indicacións xeográficas protexidas Barbanza e Iria, Betanzos, Val do Miño-Ourense e Ribeiras do Morrazo tamén houbo un aumento da uva recollida en preto do 20%, pasándose en conxunto de case 122 toneladas a preto de 146.

Túnel do Viño

E o viño é protagonista, esta ponte de decembro, no Centro do Viño da Ribeira Sacra. Organízase o Túnel do Viño, unha cata degustación con todos os viños galardoados como Gran Patrimonio na 5ª edición da Cata Concurso Patrimonio da Ribeira Sacra.

Con esta iniciativa preténdese dar a coñecer os viños premiados, explicaranse, ademais as variedades de uvas que se utilizan para cada unha das elaboracións, diferenzas entre uns viños e outros, zonas as que pertencen… O obxectivo último é seguir afondando no coñecemento dos distintos viños que se elaboran na D.O. Ribeira Sacra.

A actividade levarase a cabo os días 07 e 08 de Decembro en horario de 11:00 a 14:00 e de 16:30 a 20:00 horas.Ten un custe de 5€ por persoa e poderanse probar 10 viños premiados con medalla de ouro nas diferentes categorías:

Tintos da colleita 2017 GRAN PATRIMONIO RIBEIRA SACRA:

• Guímaro
• Gaela Os queixeiros
• Viña Peón

Tintos barrica e  outras añadas GRAN PATRIMONIO RIBEIRA SACRA:

• Promine 2016
• Don Diego 2017
• Corga 2014

Brancos da colleita 2017 GRAN PATRIMONIO RIBEIRA SACRA:

• Almalarga
• Viña Vella

Brancos barrica e outras añadas GRAN PATRIMONIO RIBEIRA SACRA:

• Finca Millara 2016

Rosado GRAN PATRIMONIO RIBEIRA SACRA:

• Peza do Rei