Este Obradoito Dual de Empreo está promovido polos concellos e financiado pola Consellería de Emprego, Comercio e Emigración con 412.000 euros. A iniciativa toma o relevo do taller que estivo en marcha durante o último ano, centrado na mesma especialidade.

Arias animou ás 20 persoas participantes a aproveitar a formación teórica e práctica que recibirán no obradoiro por parte de persoal especializado para mellorar as súas posibilidades de incorporarse ao mundo laboral. O alumnado que complete a actividade poderá acreditar a súa cualificación mediante un certificado profesional.

Tamén subliñou o servizo público que prestan os talleres de emprego nos concellos nos que se desenvolven. Neste caso, as persoas alumnas-traballadoras encargaranse do mantemento e acondicionamento de múltiples xardíns, zonas verdes, áreas recreativas e rutas de sendeirismo nos tres municipios.

Os obradoiros son unha das ferramentas de fomento do emprego máis demandadas polos concellos, apuntou o delegado, xa que brindan oportunidades laborais aos participantes ao tempo que melloran dotacións municipais.

Na Zona Sur da provincia de Lugo, a Xunta financia con cargo á convocatoria deste ano cinco talleres que implican a 13 concellos e supoñen un investimento autonómico de 2,1 millóns de euros. Todos eles están a poñerse en marcha nestas datas.

Obradoiro Bóveda / Delegación Territorial