Os encontros desenvólvense os venres pola tarde coa presenza dun máximo de 20 empresas, número adecuado para poder desenvolver este tipo de dinámicas grupais que están guiadas polo equipo redactor do Plan Estratéxico da Asociación.
Ao remate destas xornadas contarase con 8 liñas básicas de actuación e a prioridade a darlle a cada unha. “A Asociación terá así cun plan de acción para as necesidades reais dos asociados, resultado dun proceso participativo onde cada integrante da asociación aporta a súa visión”, explica o secretario da Asociación, Severino Rodríguez.
Estas xornadas grupais para asociados son resultado do Plan Estratéxico que a Universidade da Coruña levou a cabo para a Asociación e que se presentaba no restaurante Don Manuel, en febreiro deste ano coa asistencia de case 200 persoas interesadas na actividade que desenvolve este colectivo empresarial.
Dinámica de grupo / Agrupación de Empresas Ribeira Sacra Next
Tamén neste mes de maio confirmábase a forma xurídica definitiva coa que se traballará, déixase Agrupación de Interese Económico (AIE) para denominarse: “Asociación de Empresas Ribeira sacra Next”.
Parte do equipo da Asociación avanza tamén no proceso de selección para a Xerencia. A empresa que xestiona ás candidatas e candidatos xa enviou os perfiles que máis se adaptan ás necesidades da Asociación e nos próximos días comenza o proceso de selección, no que pode participar tamén calquera empresa asociada que o desexe.
A Asociación de Empresas Ribeira Sacra Next presentará próximamente a web con información das empresas asociadas e onde atopar toda a actualidade das iniciativas desenvoltas. Mentres as empresas interesadas en formar parte da Asociación deben rexistrarse a través da web
https://ribeirasacranext.gal/home e despois contactaranas desde a Asociación.
