A área de Rural da Vicepresidencia da Deputación de Lugo presentará o mércores, 24 de setembro, en Quiroga o programa de axudas á gandaría extensiva “O que non arde”, dando continuidade a ronda de xuntanzas informativas que está a desenvolver en distintas localidades da provincia.

O encontro, que se celebrará na Casa da Cultura ás 19.30 horas, contará coa presenza de persoal técnico que detallará os requerimentos e documentación necesaria para solicitar as axudas, dirixidas a gandarías de cabalar, ovino, caprino e porcino.

A través da convocatoria “O que non arde”, á area de Rural da Vicepresidencia da Deputación de Lugo financia investimentos e gastos relacionados co manexo e a alimentación do gando en extensivo. O prazo de presentación de solicitudes abriuse o pasado 2 de setembro e manteresa aberto ata o 29 de setembro. As bases e formularios están dispoñible na web da Deputación de Lugo, no apartado Medio Rural> Subvencións Concorrencia Competitiva> O que non arde.