Esta iniciativa de emprego busca cumprir dous obxectivos complementarios, por unha banda favorecer a contratación de desempregados/as con serias dificultades para atopar traballo, e por outra tratar de reforzar o labor social que desenvolve o tecido asociativo lugués.
En concreto serán 41 asociacións da provincia as que se beneficiarán do traballo daqueles que finalmente resulten contratados/as. Estas entidasdes desenvolven unha actividade social moi variada: ofrecen atención profesional a xente con discapacidade, enfermidades mentais, autismo ou alzheimer; á muller en distintos ámbitos; ou mesmo a profesionais de sectores punteiros como o lácteo ou o forestal.
Deste xeito, os perfís que se solicitaron preferentemente foron: educadores/as sociais, licenciados/as en Psicoloxía, ADE, pedagogos/as, enxeñeiros/as agrícolas; administrativos/as; mestres; terapeutas ocupacionais e técnicos/as especializados en dependencias ou en explotacións gandeiras.
En base ás máis de 900 solicitudes, só 56 prazas serán as definitivamente asignadas: 31 están dirixidas a lucenses en paro menores de 35 anos e sen experiencia laboral, mentres que 19 son para veciños/as de entre 30 e 50 anos, e 6 para maiores de 50 anos.
Os colectivos sociais da provincia beneficiados do “Tecendo Emprego” recibirán axudas da Deputación de entre 18.000 a 24.000 euros para asumir os custos laborais dos traballadores durante 1 ano. Máis información da convocatoria e do proceso de selección no Galicia Confidencial.
