InicioMedio ambiente e Patrimonio‘Montañas do Courel’ quere coñecer a data dos seus glaciares

‘Montañas do Courel’ quere coñecer a data dos seus glaciares

O Xeoparque formalizou un contrato de investigación coa Universidade de Oviedo co obxectivo de coñecer a evolución glaciar das súas formacións montañosas de forma detallada.

Publicado o

- Advertisement -

Martín Alemparte, xerente do GDR Ribeira Sacra-Courel, apunta que resultará importante nestes anos, para manter e fortalecer a declaración de Xeoparque Mundidal da UNESCO “Montañas do Courel”, promover traballos de investigación sobre os recursos de patrimonio xeolóxico cos que conta o territorio. Grazas a estes traballos “poderase afondar no coñecemento dos mesmos e poderanse levar a cabo tamén labores de divulgación sobre os mesmos”, engade.

Nesta liña enmárcase o contrato de investigación para a datación dos glaciares nas montañas do Courel que o Xeoparque vén de asinar coa Universidade de Oviedo.

O pasado 25 de maio, durante as actividades celebradas dentro do Ciclo Semana dos Xeoparques Europeos, un equipo investigador dirixido polo profesor D. Jesús Ruíz Fernández -Dpto de Xeografía da Universidade de Oviedo- no que tamén participaron membros da Universidade de Santiago de Compostela e do Centre National de la Recherche Scientifique de Francia levaron a cabo un traballo de campo para tomar mostras en glaciares das Montañas do Courel. O obxectivo destes labores é o tratamento das mostras en laboratorio mediante o método dos isótopos cosmoxénicos e publicar os resultados do estudo para finais de ano nalgunha das principais revistas científicas de relevancia mundial.

Alemparte, coordinador de ‘Montañas do Courel’, indica neste senso que “coñecer as fases da evolución glaciar é crucial, feito que dotará ao Xeoparque de gran valor engadido de evidente interese xeomorfolóxico e patrimonial”.

O catedrático da USC Augusto Pérez Alberti, publicaba o pasado ano Xeomorfoloxía das Montañas do Courel, libro editado polo Grupo de Desenvolvemenro Rural Ribeira Sacra-Courel. Un importante traballo de identificación dos diferentes glaciares existentes no territorio, así como das morfoloxías erosivas e sedimentarias que se conservan, e que foi de gran axuda para fortalecer a candidatura de Montañas do Courel a Xeoparque Mundial da UNESCO.

ÚLTIMAS

“Fiando na igualdade técese unha sociedade”, lema do 8M en Monforte

Este 4 de marzo presentouse na Casa do Concello de Monforte o programa de...

Premio ‘Eduemprende Idea 2023’ para o IES A Pinguela polo proxecto ‘StyleClo’

Un total de seis institutos e centros integrados de FP de Galicia veñen de...

A curta documental “Corre o vento”, rodada no Courel, presente no Festival de Málaga

Corre o vento, da que demos conta o pasado ano no transcurso da súa...

Máis de 2000 euros en premios nos concursos da XX Feira Medieval de Monforte

Tras convocar o pasado mes de xaneiro o Concurso de axudas para a confección...